நடிகர் விஜய் 12 வருஷம் கழித்து தனது நண்பரை கூப்பிட்டு வாழ்த்திய செய்தி இணையத்தில் வைரலாகி வருகிறது. பாக்ஸ் ஆபீஸ் வசூலில் ரூ. 302 கோடியை குவித்துள்ள இந்த வருடத்தின் மிகப்பெரிய பிளாக்பஸ்டர் படமாக விஜயின் தி கோட் படத்துக்கு அடுத்தபடியாக அமைந்தது அமரன் படம்.
12 வருஷம் 2 மாதம் கழித்து தனது பழைய நண்பர் ஒருவரை நேரில் வரவழைத்து நடிகர் விஜய் வாழ்த்தியுள்ளார். வீர மரணமடைந்த ராணுவ வீரர் மேஜர் முகுந்த் வரதராஜன் வாழ்க்கைக் கதையை மையமாகக் கொண்டு உருவாக்கப்பட்ட படம் தான் ‘அமரன்’.
‘ரங்கூன்’ படத்தின் மூலம் கவனம் பெற்ற இயக்குநர் ராஜ்குமார் பெரியசாமி இயக்கத்தில், முகுந்த் கதாபாத்திரத்தில் சிவகார்த்திகேயனும், அவரது மனைவி இந்து ரெபேக்கா வர்கீஸ் கதாபாத்திரத்தில் சாய் பல்லவியும் நடித்தனர். கமல்ஹாசனின் ராஜ்கமல் பிலிம்ஸ் இப்படத்தை தயாரித்திருந்தது. ரிலீசுக்கு முன்பே படத்தின் மீதான எதிர்பார்ப்பு ரசிகர்கள் மத்தியில் அதிகமாகவே இருந்தது. படம் வெளியான நாள் முதல் நல்ல வசூலைப் பெற்று, பார்வையாளர்கள் மத்தியில் மாபெரும் வரவேற்பைப் பெற்றது.
‘அமரன்’ படக் குழுவினருக்கு முதலமைச்சர் தொடங்கி பல்வேறு அரசியல் கட்சித் தலைவர்களும், திரைப் பிரபலங்களும் பாராட்டுத் தெரிவித்து வருகின்றனர். ‘அமரன்’ படம் பாக்ஸ் ஆபீஸ் வசூலில் ரூ. 302 கோடியை குவித்துள்ளதாகவும் கூறப்படுகிறது. இந்த வருடத்தின் மிகப்பெரிய பிளாக்பஸ்டர் படமாக விஜயின் தி கோட் படத்துக்கு அடுத்தபடியாக அமரன் திரைப்படம் அமைந்துள்ளது.
தொடர்ந்து 25 நாட்களை கடந்து இப்படம் வெற்றிகரமாக தியேட்டரில் ஓடிவரும் நிலையில், நடிகர் மற்றும் த.வெ.க. தலைவர் விஜய், அமரன் படத்தின் இயக்குநர் ராஜ்குமார் பெரியசாமியை நேரில் அழைத்து பாராட்டியுள்ளார்.
