அமைச்சர் துரைமுருகன் வீட்டில் அமலாக்கத்துறை ரெய்டு நடைபெற்று வருகிறது. அதே போல தி.மு.க எம்.பி கதிர் ஆனந்துக்குச் சொந்தமான வீடு, அவர் தொடர்புடைய இடங்களிலும் அமலாக்கத்துறையினர் சோதனை நடத்தி வருகின்றனர்.
இதே வீட்டில்தான் துரைமுருகனின் மகனும், வேலூர் எம்.பி-யுமான கதிர் ஆனந்தும் வசித்து வருகிறார். துப்பாக்கி ஏந்திய மத்திய ரிசர்வ் படை வீரர்கள் துரைமுருகன் வீட்டின் முன்பு பாதுகாப்புக்காக நிறுத்தப்பட்டிருக்கின்றனர். தி.மு.க-வினரும் அங்கு குவிந்து வருவதால் அங்கு பரபரப்பான சூழல் நிலவி வருகிறது. இதேபோல், காட்பாடியில் கதிர் ஆனந்த் நடத்தி வரும் கல்வி நிறுவனங்களிலும் அமலாக்கத்துறையினர் சோதனையில் ஈடுபட்டு வருகின்றனர்.
துரை முருகன் வீட்டின் முன்பு ஆயுதம் ஏந்திய போலீசார் நிறுத்தப்பட்டுள்ளனர்.
துரைமுருகன் – கதிர் ஆனந்த்சமீபத்தில் காட்பாடி சுற்றுவட்டாரப் பகுதிகளில், ஏறக்குறைய 200 ஏக்கரிலான அரசுப் புறம்போக்கு நிலங்களை முறைகேடாக பத்திரப்பதிவு செய்து தனியாருக்கு விற்பனைச் செய்துவந்த குற்றச்சாட்டிலும் சிக்கினார் பூஞ்சோலை சீனிவாசன். லஞ்ச ஒழிப்புத்துறையினரின் ரேடாரிலும் கண்காணிக்கப்பட்டு வருகிறார்.
இந்த நிலையில் தான் அமலாக்கத்துறையினரும் அதிரடியாக சோதனையில் ஈடுபட்டிருக்கின்றனர். ஆனாலும், என்ன காரணத்திற்காக இந்த ரெய்டு நடந்தது என்கிற உறுதியான தகவல்கள் அமலாக்கத்துறை தரப்பிலிருந்து வெளியிடப்படவில்லை. ஆனாலும், இந்த ரெய்டு எம்.பி கதிர் ஆனந்தை குறி வைத்து நடத்தப்படுவதாகவும், அவருக்கு சிக்கல் ஏற்படலாம் எனவும் தகவல்கள் கசிந்து வருகின்றன.
அமைச்சர் துரைமுருகன் வீட்டில் அமலாக்கத்துறை அதிகாரிகள் தீவிர சோதனை மேற்கொண்டு வரும் சூழலில் இன்று இரவு முதியவர் ஒருவர் கடப்பாரையை எடுத்து கொண்டு உள்ளே சென்றார். 
