இந்த வழக்கில் பால்துரை தனக்கு முன்ஜாமீன் கோரி சென்னை உயர் நீதிமன்றத்தில் மனு தாக்கல் செய்திருந்தார்.
இந்த மனுவை விசாரித்த நீதிபதி என். ரமேஷ், குற்றம் சாட்டப்பட்ட பால்துரை மீதான புகாரை விசாரித்து, அறிக்கை தாக்கல் செய்ய விருகம்பாக்கம் காவல் ஆய்வாளருக்கு உத்தரவிட்டார்.
இந்நிலையில் முன்ஜாமீன் மனு மீதான விசாரணை நீதிபதி என்.ரமேஷ் முன்பாக மீண்டும் விசாரணைக்கு வந்தபோது, பால்துரைக்கு எதிரான புகாரை வாபஸ் பெறும்படி புகார்தாரரான சூர்யாவை விருகம்பாக்கம் காவல் ஆய்வாளர் மிரட்டியதாகவும், அதையேற்காத சூர்யா மீது பால்துரை மனைவி அளித்த புகாரின் பேரில் வன்கொடுமை தடுப்புச்சட்டத்தின் கீழ் பொய் வழக்குப்பதிந்து சூர்யாவை கைது செய்ததாகவும் தெரிவிக்கப்பட்டது.
இந்நிலையில் முன்ஜாமீன் கோரி பால்துரை தாக்கல் செய்திருந்த மனுவை தள்ளுபடி செய்த நீதிபதி, நிலமோசடி குறித்து புகார் அளித்த புகார்தாரர் மீதே பொய் வழக்குப்பதிவு செய்த விருகம்பாக்கம் காவல் ஆய்வாளர்களான முனிசேகர் மற்றும் ராஜேஷ் ஆகியோர் மீது துறைரீதியாக ஒழுங்கு நடவடிக்கை எடுக்க வேண்டுமென மாநகர காவல் ஆணையருக்கு உத்தரவிட்டு உள்ளார்.
